Samstarf við tónlistarskóla á landsbyggðinni
Hugmynd um þróun nk. fjarkennslu er einn grunnþátturinn í starfi Tóneyjar. Sérkennarar, reyndir hljóðfæraleikarar eða fagmenn heimsækja ákveðin byggðarlög í nokkra daga, 2 - 4 sinnum á ári. Þar vinna þeir með staðarkennurum að uppbyggingu námsefnis sem síðan er fylgt eftir af heimamönnum. Sérkennarinn kemur svo aftur og metur stöðu einstakra nemenda og leggur til námsefni fyrir næsta misserið. Þegar sérkennari hefur farið í nokkur byggðalög er kominn grundvöllur fyrir hóptíma (t.d. langri helgi á Tóney). Þannig mætti leysa vanda þeirra byggða sem hafa t.d. misst fagkennara eftir langa búsetu og skilið eftir lengra komna nemendur eða fylla skörð í hljóðfærakennslu sem annars þyrfti að ráða til kennara í heils árs starf. Einnig mun þetta fyrirkomulag auðvelda nemendum af landsbyggðinni að koma til höfuðborgarinnar eða stærri byggðarlaga til frekara framhaldsnáms.