Tóney - Síðumúla 8, 108 Reykjavík - S: 551 3888 - www.toney.is - toney@toney.is

forsíða

---

---

---

---

---

Velkomin á heimasíðu Tóneyjar TÓNEY - miðstöð fyrir tónlist, tónlistarnám og hreyfingu Annað starfsár Tóneyjar 2008 - 2009, vorönn hefst í janúar 2009 og stendur fram í maí. Boðið er upp á fjölbreytt hljóðfæranám; píanó, gítar, bassa, trommur, strengjahljóðfæari, blásturshljóðfæri, auk sekkjapípu, tinflautu og annara framandi hljóðfæra. Einnig fjölbreytt námskeið í tónsmíðum, fræðum og tölvutækni. Kennsla fer ýmist fram í einkatímum eða hópum, allt eftir óskum hvers og eins. Lengd námskeiða er misjöfn; stakir tímar, 10 - 15 tíma einingar eða mislöng námskeið, hópnámskeið í hljóðfæraleik spanna að jafnaði 10 vikur en tölvutækni námskeið 4 vikur. Tóney Sinfóníetta er lítil sinfónísk hljómsveit sem hefur starf á vorönn. Hvatt er til þátttöku hljóðfæraleikara sem stundað hafa klassíst tónlistarnám en af ýmsum ástæðum ekki haldið áfram á tónlistarbraut. Upplýsingar og verðhugmyndir fyrir annir og námskeið er að finna á; Annir / veturinn 2008-9 Skráning stendur nú yfir fyrir vorönn 2009. Áhugasamir geta fyllt út skráningarform, fengið nánari upplýsingar með því að senda tölvupóst á netfang Tóneyjar, eða í síma 551 3888. Tóney er aðili að Frístundakorti Reykjavíkurborgar. Tónlist Á Tóney er unnið að tónlist á breiðum grunni, í formi námskeiða, fyrirlestra, hóp- og einkakennslu. Áhersla er lögð á hljóðfæraleik, söng og almenna tónlistarþjálfun, auk tækni- og fræðipælinga, tónsmiðju og margvíslegra verkefna tengdum tónlist. Starfið veturinn 2008-9 verður mótað í tveimur önnum; haust og vor en einnig lögð sérstök áhersla á sumarstarf með styttri námskeiðum og fyrirlestrum. Klassík-, jazz-, heims- og tilraunatónlist eiga samastað á Tóney en gert er ráð fyrir þátttakendum á öllum aldri. Tækni / fræði Sérstök rækt er lögð við tækni og fræði tónlistar, boðið uppá námskeið í mikilvægum tölvuforritum, s.s. Sibelius, Pro Tools, Live, Reason, Native Instruments ofl. Færustu leiðbeinendur hér heima og erlendis, fræðimenn, tónskáld og tæknimenn, halda námskeið. Sérstaklega verður boðið uppá námskeið fyrir starfandi tónlistarfólk og tónlistarkennara en einnig lögð áhersla á unglinga og þá sem vilja kynna sér nýjustu tækni. Samstarf við leikskóla, grunnskóla og framhaldsskóla Á Tóney eru þróuð námskeið sem fara fram í leikskólum, grunnskólum og framhaldsskólum í samstarfi við umsjónakennara á hverjum stað. Þetta eru námskeið sem koma inn í tónmenntakennslu hvers skóla, sjálfstæðar einingar tvinnaðar í hefðbundið nám og unnar af fagfólki. Tóney mun í vetur koma að tónmenntakennslu í nokkrum grunnskólum Reykjavíkur. Samstarf við tónlistarskóla og aðra sérskóla Tóney vinnur í nánu samstarfi við tónlistarskólana á höfuðborgarsvæðinu og á landsbyggðinni við að auka möguleika í tónsköpun, hljóðfæraleik og tónlist almennt. Námskeið eru ýmist haldin í viðkomandi skólum eða á Tóney, Síðumúla 8, Reykjavík. Farkennsla er verkefni þar sem fagfólk frá Tóney heimsækir skóla á landsbyggðinni og aðstoðar við kennslu og uppbyggingu námsefnis. Pilates Lára Stefánsdóttir og Ástrós Gunnarsdóttir, dansarar og danshöfundar hafa sérmenntað sig í líkamsþjálfunarkerfi Pilates. Þetta er sérlega góð líkamsrækt sem nýtur alþjóðlegrar viðurkenningar. Hún fer fram ýmist hópum (8 - 12 manna) eða í einkatímum. Hljóðfæraleikarar úr Sinfóníuhljómsveit Íslands sem stunduðu þjálfun í fyrra hafa borið einróma lof á ræktina. Skráning í Pilates er opin allt árið. Áhugasamir geta fyllt út skráningarform fyrir Ekta - Pilates, fengið nánari upplýsingar með því að senda tölvupóst á netfang Pilates, eða í síma 551 3888.

---

---

---

---

---